.......तूझ्याशी बोलता बोलता .....

तुझ्याशी बोलता बोलता
सहज मन धावायला लागलं
विचार करता करता
काव्य रचायला लागलं !!

तू बोलत काय होतास
लक्ष माझं वेधून घेत होतास
पण मन माझं मात्र
तुझ्या शब्दांच्या अर्थात डुंबायला लागलं
अन विचार करता करता
सहज काव्य रचायला लागलं !!

शब्दांचे अर्थ शोधता शोधता
वेगळ्या विश्वात मन रमायला लागलं
अन विचार करता करता
सहज काव्य रचायला लागलं !!

वेगळ विश्व हे कुठलं
म्हणलं जरा शोधू यात
शब्दांना एकत्र गुम्फावायला लागलं
अन विचार करता करता
सहज काव्य रचायला लागलं !!

शब्द अन अर्थ एकत्र करता करता
हृदयात हृदय गुंफत गेलं
अन विचार करता करता
सहज काव्य स्फुरायला लागलं !!

हृदयाचे मिलन होता होता
शब्दांची जागा डोळ्यांनी घेतली
अन सहज विचार करता करता
प्रीत तुझी ही वेडावून गेली
अन सहज विचार करता करता
प्रीत तुझी ही वेडावून गेली !!!!!!!!!!!!!!!!!